6 iyun kuni, Qurban hayit bayramida, Toshkent shahridagi 122 ta masjid atrofidagi ko‘chalarda avtotransport harakati vaqtincha cheklanadi, deb NOVA24 xabar berdi. Bu haqda shahar IIBB matbuot xizmati ma’lum qildi.
Ma’lumotlarga ko‘ra, harakat cheklovlari bayram namozi vaqtida — soat 00:00 dan 08:00 gacha amal qiladi. Yo‘l yopilishi barcha tumanlarda kuzatiladi:
. Mirzo Ulug‘bek tumani: “Tura Buva” masjidi atrofida
. Olmazor tumani: “Islomobod”, “Hazrati Imom”, “Do‘stjonboy” masjidlari yaqinida
. Shayxontohur tumani: “Shayx Zayniddin”, “Xo‘ja Alambardor”, “Kuh Ota” masjidlari oldida
. Chilonzor tumani: “Novza”, “Ubay ibn Kaab” masjidlari hududida
. Yunusobod tumani: “Minor” va “Mirzo Yusuf” masjidlari atrofida
. Bektemir, Uchtepa, Sergeli, Mirobod, Yashnobod va Yakkasaroy tumanlaridagi masjidlarga tutash yo‘llarda
Shuningdek, namoz o‘qiladigan joylarga olib boruvchi boshqa ko‘chalarda ham harakat cheklanadi. Haydovchilarga oldindan yo‘nalishni rejalashtirish va aylanma yo‘llardan foydalanish tavsiya etiladi.
