© Sputnik/Zafar Xalilov
O‘zbekistonning katta qismida dam olish kunlari havo harorati 2–3 darajaga ko‘tarilishiga qaramay, hali ham me’yoriy qiymatlardan past bo‘ladi, deya xabar bermoqda «O‘zgidromet» agentligi.
Juma kuni O‘zbekiston hududi bo‘yicha nisbatan sovuq ob-havo saqlanib turadi. Qoraqalpog‘iston Respublikasi, Xorazm viloyatida ba’zi joylarda qor yog‘adi, Buxoro, Navoiy viloyatlarida biroz yog‘ingarchilik (yomg‘ir, qor) bo‘lishi mumkin. Respublikaning qolgan hududlarida yog‘ingarchiliksiz ob-havo bo‘lishi kutilmoqda.
1 mart, shanba kuni respublika hududining katta qismida yog‘ingarchilik kutilmaydi, faqat Qoraqalpog‘iston Respublikasi va Xorazm viloyatida ba’zi yomg‘ir, qor yog‘adi.
Yakshanba kuni respublikaning aksariyat viloyatlarida (Farg‘ona vodiysidan tashqari) yog‘ingarchilik bo‘ladi. Markaziy viloyatlarda va respublika janubida kunning ikkinchi yarmida yog‘ingarchilik bo‘lishi kutilmoqda.
Respublikaning shimoli-g‘arbiy va cho‘l hududlarida yana sovuq havo kirib kelishi hisobiga havo harorati asta-sekin pasayadi va Qoraqalpog‘iston Respublikasi, Xorazm viloyatida yakshanba kuni kechasi –7…–12 darajani, kunduzi –3…+2 darajani, Buxoro, Navoiy viloyatlarida kechasi –2…+3 darajani, kunduzi 0…+5 darajani tashkil etadi.
Respublikaning ayrim joylariga tuman tushishi mumkin. Shamol 7–12 metr/soniya tezlikda esadi, 28 fevral va 2 mart kunlari ba’zi joylarda 15–20 metr/soniyagacha kuchayadi.
Toshkent shahrida 28 fevral va 2 martda asosan quruq ob-havo kuzatiladi, faqat yakshanba kuni kechqurun yog‘ingarchilik bo‘lishi mumkin, shamol tezligi 10–12 metr/soniyagacha kuchayadi. Harorat 28 fevralda +6…+8 daraja, 1–2 mart kunlari +8…+10 daraja bo‘ladi. Harorat asosan kechalari –1…+2 daraja bo‘ladi.
👍 0❤️ 0😂 0😢 0😡 0
