Yevropa ligasida nimchorak finalga yetib kelgan jamoalar ushbu bosqichdagi dastlabki uchrashuvlarini o‘tkazdi. Eng qiziqarli uchrashuvlardan biri Rim shahridagi “Olimpiko” stadionida bo‘lib o‘tdi.
Ikki kuchli raqib – “Roma” va “Atletik Bilbao” to‘qnashuvida kurash oxirigacha davom etdi va o‘yin taqdirini so‘nggi soniyalarda Eldor Shomurodov hal qildi. Klaudio Raneri shogirdlari birinchi bo‘lib gol o‘tkazib yuborganiga qaramay, kambekni amalga oshirdi.
Avvaliga Anjelino vaziyatni tenglashtirgan bo‘lsa, 71-daqiqada zahiradan maydonga tushgan Eldor Shomurodov aniq zarba bilan mag‘lubiyatni g‘alabaga aylantirib yubordi – 2:1.
Ushbu uchrashuv tahlili hali hamon davom etmoqda. Italiya futbolini yoritib kelayotgan nufuzli manbalar va ekspertlar o‘zbek futbolchisi o‘yiniga o‘z munosabatlarini bildirmoqda.
Gazzetta dello Sport:
- Eldor Shomurodovga o‘yin taqdirini hal qilish va musobaqada iz qoldirish uchun yigirma daqiqadan sal ko‘proq vaqt kifoya qildi. U so‘nggi soniyalarda gol urib, “Atletik Bilbao”ga qarshi o‘yin taqdirini hal qildi. Bu gol oltinga teng. Maydonga tushganidan 35 soniya o‘tib, ogohlantirilgan Eldor kurashni davom ettirdi, oldinga tashlandi va maqsadiga yetdi.
Tuttosport:
- Eldor Shomurodov – uchrashuvning eng zo‘r o‘yinchisi. Dastlab u raqib himoyachisi Yeray Alvaresning maydondan chetlatilishiga sababchi bo‘ldi. Keyin 90+4-daqiqada “Roma”ga muhim g‘alaba keltirgan to‘pni kiritdi.
Corriere dello Sport:
- O‘zbekistonlik monstr raqibga yana zarba berdi. U uchrashuvning so‘nggi soniyalaridagi g‘alaba goli bilan “Olimpiko”ni portaltib yubordi. U 2025 yilning asosiy qahramoni sifatida katta sahnaga chiqdi. U nafaqat gol urishda, balki jamoasiga himoyalanishda ham yordam beryapti. Hozirgi “Shoma” avvalgi yillar qayerda eding?
Tuttomercatoweb:
- Shomurodov zahiradan shiddat bilan maydonga tushdi va buning ortidan darrov sariq kartochka ishlab oldi. U o‘zini ko‘rsatishga va gol urish ishtiyoqida bor kuchini berib, to‘p tepdi. Hammasi barbod bo‘layotgan pallada Eldor o‘zini ko‘rsatdi va “Roma”ga o‘ta muhim g‘alabani keltirdi. U darvozaga zarba bergan pallada to‘p qayerga kelib tushishini aniq belgilay oldi.
Vocegiallorossa:
- Eldor maydonga tushganidan keyin uzoq vaqt payt poylab yurdi va qulay vaziyat yuzaga kelishi bilan hujumga tashlandi. Aleksis Salemakersning uzatmasidan keyin to‘pni o‘ziga to‘g‘rilab, darvoza to‘riga joyladi. “Olimpiko”dagi 60 mingdan ziyod muxlis bu goldan oyoqqa qalqdi.
Eldor Shomurodov joriy mavsumda barcha turnirlarda 25 marotaba maydonga tushib, o‘z gollari sonini beshtaga yetkazib oldi. Shuningdek, 29 yoshli legionerimiz jamoadoshlariga uchta golli pas ham uzatgan.
[lang=ru,en] [/lang]
O‘xshash yangiliklar
“Manchester Siti” klubi Abduqodir Husanov haqida hali hech qayerda chop etilmagan maqola e’lon qildi
“Manchester Siti” klubi o‘z ijtimoiy sahifasida, jamoa muxlislarining qalbini tezda zabt etgan yosh futbolchi Abduqodir Husanov haqida ilgari hech qayerda chop etilmagan ma’lumotlar, oilaviy
O‘zbekistonga mundialga chiqish uchun qanday natijalar kerak?
O‘zbekiston milliy jamoasi hozirdanoq saralash o‘yinlarida ochko to‘plash bo‘yicha eng yaxshi natijasini qayd etib turganiga qaramay, hal qiluvchi o‘yinlar endi o‘tkaziladi. Futbol bo‘yicha
«Manchester Yunayted» yoki «Tottenhem»: Yevropa Ligasi kubogi kimga ko‘proq kerak?
Bugun, 21 may kuni Bilbaoda Yevropa Ligasi finali bo‘lib o‘tadi. Angliyaning ikki jamoasi – «Manchester Yunayted» va «Tottenhem» nufuz jihatidan ikkinchi o‘rinda turadigan yevrokubok uchun o‘zaro
Habi Alonso «Real»da. Endi kim o‘zgaradi – klubmi yoki murabbiy?
Klub yangi murabbiy uchun kerakli futbolchilarni olib beradimi? Murabbiy Leverkuzenda ish bergan uslublarini Madridda qo‘llashda davom etadimi? Madridning «Real» klubi Habi Alonso bilan kelishuvni
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
