Londonning Arsenal klubi bilan Lissabonning Sporting klubi o‘rtasida hujumchi Viktor Dyokeresh transferi bo‘yicha muzokaralarda qiyinchiliklar yuzaga keldi. Bu haqida Euro-football.ru xabar berdi.
Haftaning boshida turli ishonchli manbalar shved futbolchisining Arsenalga o'tishi deyarli tasdiqlanganini ma’lum qilgan edi. Biroq, vaziyat kutilganidek oson bo‘lmadi.
Maisfutebol nashrining yangilangan ma’lumotlariga ko‘ra, muzokaralar to‘liq to‘xtab qoldi. Holat shunchalik murakkablashdiki, futbolchining otasi muzokaralarda hech qanday yutuq bo‘lmagani sababli yig‘lab yuborgan.
Portugaliya klubi o‘z shartlarida qat’iy turib, hech qanday imtiyoz bermoqchi emas. Viktor Dyokereshning Arsenalga transferi uchun 63,5 million yevro asosiy summa va 10 million yevro bonuslar belgilangan edi.
27 yoshli hujumchi esa allaqachon o‘z roziligini bildirgan. Shunga qaramay, tomonlar orasidagi kelishuvga erishish hali imkonsiz bo‘lib qolmoqda.
👍 0❤️ 0😂 0😢 0😡 0
