Saudiya Arabistoni chempionatining navbatdagi turida «Al-Nasr» va «Al-Shabab» jamoalari o‘rtasidagi o‘yinning birinchi taymi 2:1 hisobi bilan yakunlandi. «Al-Nasr»ning birinchi golini 45+2-daqiqada Abdulloh Salim kiritdi, ikkinchi gol esa Krishtianu Ronaldu tomonidan 45+7-daqiqada urildi. Shu tariqa portugaliyalik yulduz o‘z faoliyatidagi 926-golini nishonladi.
«Al-Shabab»ning yagona goli 44-daqiqada penalti orqali Hamdallah tomonidan kiritildi.
Ronaldu 1000-gollik marrani zabt etishga tobora yaqinlashmoqda. Uning Saudiya Arabistoni chempionatidagi yanada yuqori samaradorligi muxlislarni hayratga solmoqda.
