Noa Lang Napoli tarixida iz qoldirmoqchi
Gollandiya hujumchisi Noa Lang, bu yozda "Napoli" jamoasiga qo‘shilganidan so‘ng, o‘zining yangi jamoasidagi vazifalari haqida fikr bildirdi. Bu haqida Euro-football.ru xabar berdi.
Xvicha Kvaratsxeliya "PSJ"ga ketganidan keyin, aynan Lang hujumning qanotida uning o‘rnini egallashi kutilmoqda. Unga Kvaratsxeliyani almashtirish bilan bog‘liq bosim haqida savol berilganda, Lang bu chaqiriqni qabul qilishga tayyorligini va klub tarixida o‘z izini qoldirish niyatida ekanligini ta’kidladi.
Langning so‘zlariga ko‘ra, u klub tomonidan ishonch bildirilayotganini his qiladi va Kvaratsxeliya juda yaxshi futbolchi ekanini tan oladi. Shuningdek, u o‘zining butunlay boshqacha futbolchi ekanini va "Napoli"da o‘z tarixini yaratmoqchi ekanini aytdi.
Serie Ada yuqori darajadagi raqobat mavjudligi unga yoqadi. Italiya futbolga bo‘lgan ehtirosi bilan doim o‘ziga jalb qilib kelgan va u bu yerda o‘zini sinab ko‘rishga intilmoqda.
Eslatib o‘tamiz, Noa Lang yozgi transfer oynasida PSV jamoasidan "Napoli"ga o‘tgan. U yangi jamoasida muvaffaqiyatli o‘yin ko‘rsatib, jamoaning hujum chizig‘ida muhim rol o‘ynashni maqsad qilgan.
