A Bola nashrining xabar berishicha, Benfica klubi hozirgi vaqtda Joau Felishni transfer qilish bo‘yicha eng jiddiy taklifni taqdim etdi. Bu haqida Euro-football.ru xabar berdi.
Lissabonliklar futbolchining 50 foizlik huquqi uchun 25 million yevro to‘lashga tayyor. Hozirda Joau Felish Chelsi klubiga tegishli.
25 yoshli portugaliyalik futbolchiga Vest Hem va Vulverxempton klublari ham qiziqish bildirmoqda, biroq Benfica taklifi eng aniq va jiddiy ko‘rinmoqda. Chelsi bosh murabbiyi Enzo Mareska yangi mavsumda Felishga ishonmaydi, bu esa uning klubni tark etish ehtimolini oshiradi.
Shartnoma iyul oxirigacha yakunlanishi rejalashtirilgan. Bu orqali Felish Portugaliya Superkubogi doirasida 31 iyul kuni bo‘lib o‘tadigan Sportinga qarshi o‘yinda Benfica safida maydonga tushishi mumkin.
Jurnalist Nikolo Skira ma’lumotiga ko‘ra, futbolchi Benfica bilan shaxsiy shartnoma shartlari bo‘yicha asosiy kelishuvga erishgan. Eslatib o‘tamiz, Joau Felish 2019 yilda Benfica klubidan Atletiko Madridga rekord miqdorda, 126 million yevroga o‘tgan edi.
Oxirgi mavsumning so‘nggi qismini u Milan klubida ijarada o‘tkazdi.
