Nodirbek Yakubboyev — Praguye International Chess Festival chempioni!
O‘zbekiston shaxmatchilari yana bir nufuzli musobaqada zafar quchdi! O‘zbekistonlik iqtidorli grossmeyster Nodirbek Yakubboyev Chexiya poytaxti Pragada o‘tkazilgan Prague International Chess Festival xalqaro turnirida chempionlikni qo‘lga kiritdi.
Mukammal yurish – mag‘lubiyatsiz chempionlik
Chellenjers guruhi doirasida qatnashgan hamyurtimiz turnir davomida biror marta mag‘lubiyatga uchramadi. 9 tur mobaynida u 7 ochko to‘plab, raqiblarini ortda qoldirdi. Yakuniy turda Jonas Bjerre ustidan qozongan g‘alaba Yakubboyevga chempionlikni ta’minladi.
Chempionlik bilan birga Masters guruhiga yo‘llanma!
Nodirbek Yakubboyev uchun bu g‘alaba nafaqat sovrin, balki shaxmat olamidagi yana bir yuqori bosqichga qadam tashlash imkonini ham berdi. 2026 yilda o‘tkaziladigan Prague International Chess Festival'ning eng nufuzli “Masters” guruhida ishtirok etish yo‘llanmasi aynan shu muvaffaqiyat orqali qo‘lga kiritildi.
Yakubboyevning jahon reytingi oshib bormoqda
Shaxmatdagi yuqori natijalar Nodirbek Yakubboyevning shaxsiy reytingida ham o‘z aksini topdi. Jahon shaxmat federatsiyasi (FIDE) fevral oyi reytingini yangilaganida, o‘zbekistonlik grossmeyster 2654 reyting bilan 71-o‘ringa ko‘tarildi.
O‘zbekiston shaxmatchilari – jahon miqyosidagi kuch!
Nodirbek Yakubboyevning bu g‘alabasi o‘zbek shaxmat maktabining jahonda tobora kuchayib borayotganini yana bir bor isbotladi. Yaqin yillar ichida hamyurtimiz yanada katta musobaqalarda zafar quchishiga ishonchimiz komil!
Tabriklaymiz, Nodirbek! Bu g‘alaba yangi zafarlar uchun katta qadam!
Nodirbek
