«Chelsi» jamoasining hujumchisi Kristofer Nkunku yozgi transfer oynasida jamoada qolmasligi ehtimoli yuqori. Bu haqida Euro-football.ru xabar berdi.
27 yoshli futbolchi maydonga muntazam chiqishni xohlaydi, ammo murabbiy Enzo Mareska uni asosiy tarkibda ko‘rmayapti. Mashhur jurnalist Fabrizio Romano xabariga ko‘ra, Nkunkuning joriy transfer davrida jamoani tark etishi deyarli aniq.
«Chelsi» fransiyalik futbolchini yanvardan boshlab sotishga tayyor va munosib takliflarni kutmoqda. Bir nechta nomi ochiqlanmagan Yevropaning yetakchi klublari Kristofer Nkunkuga qiziqish bildirmoqda.
So‘nggi oylarda «Bavariya» va «Manchester Yunayted» hujumchini o‘z safiga qo‘shib olish istagini bildirgan klublar qatorida bo‘lgan. Transfermarkt saytiga ko‘ra, futbolchining bahosi taxminan 35 million yevroni tashkil qiladi.
Nkunkuning transferi yaqin kelajakda «Chelsi» uchun yangi imkoniyatlar yaratishi kutilmoqda.
