Parijning PSJ klubida to‘p surayotgan darvozabon Janluidji Donnarumma yozda jamoani o‘zgartirishi mumkin. Bu haqida Euro-football.ru xabar berdi.
Turkiyaning Galatasaroy klubi italiyalik futbolchini sotib olishga qiziqish bildirgan. So‘nggi kunlarda turli manbalar bu haqda ma’lumot tarqatdi.
Galatasaroy rahbariyati parijliklarga darvozabon uchun aniq taklifni taqdim etdi, deb xabar beradi Gazeta.ru sayti, ichki manbaga tayanib. Hozircha futbolchi o‘z kelajagi haqida qaror qabul qilmagan.
Donnarumma bilan PSJ o‘rtasidagi shartnoma yil oxirida yakunlanadi, ammo uni uzaytirish bo‘yicha muzokaralar muvaffaqiyatli yakunlanmadi. Yevropaning yirik ligalaridagi kuchli jamoalar ham ushbu vaziyatni diqqat bilan kuzatmoqda.
Transfermarkt portali ma’lumotlariga ko‘ra, 26 yoshli darvozabonning bozor qiymati 40 million yevroga teng. Shunday qilib, yozgi transfer oynasida Donnarummaning yangi jamoaga o‘tishi ehtimoli yuqori hisoblanadi.
