Rodrigo “Tottenhem”ga o‘tishni hozircha istamayapti

Madridning “Real” jamoasining qanot hujumchisi Rodrigo “Tottenhem” klubiga o‘tishga shoshilmayapti. Bu haqida Euro-football.ru xabar berdi.

So‘nggi kunlarda aynan “Tottenhem” braziliyalik futbolchining asosiy nomzodi sifatida tilga olinayotgan edi. Jurnalist Santi Auna ma’lumotiga ko‘ra, 24 yoshli o‘yinchi “Tottenhem”ga o‘tishga qiziqmaydi va o‘z faoliyatini yanada nufuzliroq klubda davom ettirishni istaydi.

Transfermarkt saytida Rodrigoning bahosi 90 million yevroga baholanmoqda. “Real” rahbariyati futbolchini sotish imkoniyatini ko‘rib chiqishga tayyor, chunki bosh murabbiy Xabi Alonso uni asosiy tarkibda ko‘rmadi.

O‘tgan mavsumda “Tottenhem” Angliya Premer-ligasida 17-o‘rinni egallagan bo‘lsa-da, Yevropa Ligasi g‘olibi bo‘lib, bu orqali Chempionlar Ligasi musobaqasiga yo‘l oldi. Shunday qilib, Rodrigoning “Tottenhem”ga o‘tishi hozircha noaniq bo‘lib qolmoqda.