Lion Tayler Mortonni transfer qilish bo‘yicha muzokara boshladi
"Liverpul" jamoasining markaziy yarim himoyachisi Tayler Morton faoliyatini Fransiya chempionatida davom ettirishi mumkin. Bu haqida Euro-football.ru xabar berdi.
Uning xizmatlariga "Lion" klubi qiziqish bildirmoqda. Bu haqda manbalar xabar bermoqda.
Ma’lumotlarga ko‘ra, jamoalar allaqachon Tayler Mortonni transfer qilish bo‘yicha rasmiy muzokaralarni boshlagan. "Liverpul" rahbariyati o‘z futbolchisini Fransiyaga 9 million yevro evaziga sotishga tayyor.
Ushbu narxga bonus to‘lovlari kiritilmagan. "Lion" esa hozircha bu transfer maqsadga muvofiqligi borasida o‘ylab ko‘rmoqda, chunki bu summa ular uchun anchagina yuqori hisoblanadi.
Shuningdek, "Lion" klubi va Tayler Morton shaxsiy shartnoma shartlari bo‘yicha kelishuvga erishgan. O‘tgan mavsumda 22 yoshli ingliz futbolchisi "Liverpul" asosiy tarkibida 5 o‘yinda maydonga tushib, bir marta golli uzatma amalga oshirgan.
Transfermarkt portali Mortonning bozor qiymatini 7 million yevro deb baholagan.
