“Real Sosyedad” jamoasi yarim himoyachisi Arsen Zaxaryan sog‘ligi haqida yangi ma’lumot berildi. Bu haqida Euro-football.ru xabar berdi.
Ispaniya klubi matbuot xizmati futbolchining tiklanish jarayoni haqida xabar berdi. Klub vakillarining aytishicha, Arsen bu haftadagi o‘rtoqlik uchrashuvlarida maydonga tusha olmaydi, biroq uning sog‘ligi kundan-kunga yaxshilanmoqda.
Hozircha u mashg‘ulotlarda to‘liq ishtirok eta olmayapti. Ma’lum qilinishicha, Zaxaryan iyul oyi o‘rtalarida virusli kasallik tufayli safdan chiqqan edi.
Yaqinda u jamoadoshlari bilan birga ilk bor umumiy mashg‘ulotda qatnashdi. Kelgusi nazorat o‘yinlarida “Real Sosyedad” “Osasuna” va “Renn” jamoalari bilan uchrashadi.
Zaxaryan yangi mavsum boshlanguniga qadar taxminan ikki haftaga ega. La Liga chempionati starti 15-avgust sanasiga rejalashtirilgan.
Shu vaqt ichida Arsen Zaxaryan to‘liq tiklanib, maydonga qaytishga harakat qiladi. Klub mutasaddilari futbolchining sog‘lig‘i ijobiy tomonga o‘zgarayotganini ta’kidlashmoqda.
