Niderlandiyaning “Ayaks” futbol klubi Yorrell Xatoni “Chelsi”ga sotishdan tushadigan mablag‘ni qanday ishlatish haqida o‘ylamoqda. Bu haqida Euro-football.ru xabar berdi.
Klub vakillarining ma’lumotiga ko‘ra, ushbu mablag‘ evaziga Germaniyaning “Borussiya Myonxengladbax” jamoasi futbolchisi Ko Itakura transferi rejalashtirilmoqda. 28 yoshli Yaponiya futbolchisi Ko Itakura “Ayaks” klubi vakillari bilan dastlabki muzokaralarni o‘tkazdi.
Uning transfer narxi taxminan 10 million yevro etib belgilangan. O‘tgan mavsumda Ko Itakura o‘z klubi safida 33 ta o‘yinda maydonga tushdi, 5 marta ogohlantirish oldi, 4 ta gol urdi va 1 ta golli uzatma berdi.
U avvalroq “Groningen” va “Shalke” klublarida ham to‘p surgan, shuningdek, “Manchester Siti” futbolchisi sifatida ro‘yxatdan o‘tgan. Ko Itakura 2018 yilgi Osiyo o‘yinlarida Yaponiya terma jamoasi bilan kumush medalni qo‘lga kiritgan.
U mamlakat terma jamoasi safida 37 marotaba maydonga tushgan va 2 ta gol urgan. Hozirda uning “Ayaks”ga o‘tishi bo‘yicha muzokaralar davom etmoqda.
