Transfer bozori faol davom etmoqda va ayni paytda sloveniya futbolchisi Benjamin Sheshko uchun kurash kuchaygan. Bu haqida Euro-football.ru xabar berdi.
Ingliz Premyer-ligasining ikki klubi — Manchester Yunayted va Nyukasl — ushbu yosh hujumchini o‘z tarkibiga qo‘shishni istamoqda. Jurnalist Ben Jeykobsning ijtimoiy tarmoqlardagi xabariga ko‘ra, Benjamin Sheshkoni eng asosiy nomzod sifatida Manchester Yunayted ko‘rib chiqmoqda.
Ma’lum qilinishicha, ushbu klub rahbariyati haftaning o‘zida futbolchining vakillari bilan samarali muzokaralar o‘tkazgan. Sheshko Manchester Yunayted safida to‘p surishni istaydi.
U klub kelasi mavsum Yevropa musobaqalarida ishtirok etmasligiga qaramay, Old Traffordga o‘tishga tayyor. Nyukasl ham futbolchini o‘z jamoasiga taklif qilish uchun muzokaralarni davom ettirmoqda, biroq ular Sheshkoning Manchester Yunaytedga o‘tib ketishi ehtimolidan xavotirda.
Biroq, transfer bitimini amalga oshirishda bir qancha qiyinchiliklar bor. Benjamin Sheshkoning joriy klubi RB Leyptsig futbolchi uchun 75 million yevro va qo‘shimcha bonuslar talab qilmoqda.
Shu sababli, muzokaralarda aniq kelishuvga erishish hozircha qiyinlashmoqda. Futbolchining kelajagi yaqin haftalarda aniqlik kasb etishi kutilmoqda.
