“Atletiko” yangi stadion sabab transfer byudjetini qisqartirdi

Madridning “Atletiko” futbol klubi bosh direktori Migel Anxel Xil klub uchun yangi stadion qurilishi qanday qilib futbolchilarni xarid qilishda uzoq muddatli muammolarni yuzaga keltirayotgani haqida gapirdi. Bu haqida Euro-football.ru xabar berdi.

Uning so‘zlariga ko‘ra, yangi stadion qurilishi katta mablag‘ talab qiladi va bu klubning moliyaviy imkoniyatlarini qisqartiradi. Ma’lumot uchun, klubning yangi stadioni 2017 yilda ochilgan.

Migel Anxel Xilning aytishicha, yangi stadion qurilishi qisqa muddatda o‘zini oqlamaydi. 2021 yilda klub futbolchilar xaridi uchun 120 million yevro ajratishga muvaffaq bo‘ldi, 2024 yilda esa bu maqsad uchun yana 70 million yevro ajratildi.

Aynan shu mablag‘lar evaziga klubga Alvares, Sorlot, Le Norman va Gallager kabi futbolchilarni sotib olish imkoniyati tug‘ildi. Ma’lum qilinishicha, Ispaniya chempionatining yangi mavsumi Madridning “Atletiko” klubi uchun 17 avgust kuni boshlanadi.

Shu kuni klub “Espanol” jamoasiga qarshi o‘yin o‘tkazadi. Klub rahbariyatining ma’lum qilishicha, moliyaviy cheklovlar bo‘lishiga qaramay, jamoa o‘z oldiga yuqori maqsadlarni qo‘ygan.

“Atletiko” yangi mavsumda ham yuqori natijalar ko‘rsatishga intiladi.