Madridning "Real" klubi futbolchisi Rodrigo Angliyaga ko‘chib o‘tishi mumkinligi haqidagi gap-so‘zlar hanuzgacha dolzarbligini yo‘qotgani yo‘q. Bu haqida Euro-football.ru xabar berdi.
Yangi bosh murabbiy Xabi Alonso braziliyalik vingerga asosiy tarkibda joy bermayotganligi sababli, Rodrigo yozgi transfer oynasi yopilguniga qadar jamoasini o‘zgartirishi ehtimoldan xoli emas. Ispaniya matbuoti xabariga ko‘ra, "Tottenhem" klubi Rodrigo bilan shartnoma imzolashga qiziqish bildirgan.
Shunga qaramay, futbolchining o‘zi "Liverpul"dan taklif tushishini kutayotganini ma’lum qilgan. Avvalroq ommaviy axborot vositalarida Rodrigoning "Tottenhem"ga o‘tishga unchalik ishtiyoqi yo‘qligi haqida xabarlar tarqalgan edi.
Bunga sabab sifatida "Tottenhem" klubining yetarlicha yuqori maqomga ega emasligi ko‘rsatilgan. Transfermarkt portalining ma’lumotiga ko‘ra, 24 yoshli futbolchining taxminiy narxi 90 million yevroga teng.
Shuningdek, Rodrigo "Real" klubi bilan tuzilgan amaldagi shartnomasi 2028 yilgacha mo‘ljallangan. Shu bois, uning kelajagi borasida hali aniq qaror qabul qilinmagan.
