“Chelsi” klubi transfer oynasi yopilishidan oldin bir qator futbolchilarini sotishi mumkin. Bu haqida Euro-football.ru xabar berdi.
Klub allaqachon “Everton”ning yarim himoyachi Kirnan Dyusberi-Xoll bo‘yicha taklifiga rozilik berdi. Bu haqda jurnalist Nikolo Skira xabar bermoqda.
Bitimning umumiy qiymati bonuslarni hisobga olganda qariyb 31 million yevroni tashkil qiladi. 26 yoshli futbolchi “Everton” bilan 2030 yilgacha mehnat shartnomasi imzolaydi.
Avvalroq Karni Chukwuemeka “Borussiya” Dortmund klubiga sotilishi, Lesli Ugochukwu va Armando Broya esa “Byornli”ga o‘tishi mumkinligi ma’lum bo‘ldi. Joriy yozgi transferlar davomida “Chelsi” yangi futbolchilar xaridiga deyarli 280 million yevro sarfladi.
Shu bilan birga, klub o‘z futbolchilarini sotishdan hozircha taxminan 152 million yevro daromad oldi. Shuni ta’kidlash joizki, “Chelsi” transfer siyosatini faol davom ettirmoqda va tarkibdagi o‘zgarishlar kelgusida ham davom etishi mumkin.
Klub rahbariyati moliyaviy muvozanatni saqlash hamda jamoani kuchaytirish maqsadida zarur choralarni ko‘rmoqda.
