“Real”ning yangi 9-raqami Gonsalo Garsiyaga berildi
Madridning “Real” klubi yetakchi futbolchilaridan biri bo‘lgan Kiliyan Mbappega 10-raqamli futbolka topshirilgach, jamoada 9-raqam bo‘sh qoldi. Bu haqida Euro-football.ru xabar berdi.
Klub rahbariyati ushbu raqamni kimga berish masalasida qaror qabul qildi. Ma’lumotlarga ko‘ra, endi 9-raqam “Real” hujumchisi Gonsalo Garsiyaga tegishli bo‘ladi.
Jamoa bosh murabbiyi Xabi Alonso yosh futbolchi Garsiyaning salohiyatiga yuqori baho bermoqda. Shu sababli, 21 yoshli futbolchi 2025/2026 yilgi mavsumda “Real”ning asosiy tarkibida to‘p suradi.
Avvalroq Gonsalo Garsiya klubning zaxira jamoasida o‘ynagan edi. Ta’kidlash joiz, Gonsalo Garsiya o‘zini xalqaro maydonda ham ko‘rsatishga erishdi.
U AQSHda o‘tgan Klub jahon chempionatida ishtirok etdi va olti o‘yinda to‘rtta gol urib, bir marotaba hamkoriga golli uzatma berdi. Bu natijalar uning asosiy jamoada o‘ynashiga imkon yaratdi.
“Real” rahbariyati yosh futbolchidan katta umid qilmoqda.
