«Napoli» hujumchisi Jovanni Simeone «Torino» jamoasiga o‘tishga juda yaqin turibdi. Bu haqida Euro-football.ru xabar berdi.
Klublar transfer bo‘yicha og‘zaki kelishuvga erishgan. Ma’lumotlarga ko‘ra, futbolchining transfer narxi 8 million yevro etib belgilangan.
Hozirda Simeone tibbiy ko‘rikdan o‘tishi kutilmoqda. Bu jarayon «Napoli» rasmiy tarzda «Torino»ning taklifini qabul qilganidan so‘ng amalga oshiriladi.
Ma’lumot uchun, «Napoli» Jovanni Simeoneni 2023 yil yozida «Verona»dan 12 million yevro evaziga xarid qilgan edi. O‘tgan mavsumda Simeone Antonio Konte boshchiligidagi jamoa tarkibida jami 33 uchrashuvda maydonga tushdi.
U ikki bor raqib darvozasini ishg‘ol qildi va ikki marta sheriklariga golli uzatma berdi. O‘tgan mavsum Italiya chempionati yakunlariga ko‘ra, «Torino» 11-o‘rinni egalladi.
«Napoli» esa musobaqani birinchi o‘rinda yakunladi. Shu bilan birga, Simeonening yangi jamoada qanday o‘yin ko‘rsatishi futbol jamoatchiligi tomonidan katta qiziqish bilan kuzatilmoqda.
Transfer bo‘yicha rasmiy ma’lumotlar tez orada e’lon qilinishi kutilmoqda.
