O‘tgan yillarda taniqli futbolchi bo‘lgan Aleksandr Mostovoy Rossiya Premyer-ligasida legionerlar soniga qo‘yiladigan cheklovlar kuchaytirilishi mumkinligi haqida o‘z fikrini bildirdi. Bu haqida Euro-football.ru xabar berdi.
Yaqinda ushbu cheklovlarni yanada qat’iylashtirish rejalashtirilayotgani haqida ma’lumotlar paydo bo‘ldi. Mostovoyning ta’kidlashicha, legionerlar masalasida yagona fikrga kelish qiyin.
U sobiq SSSR davrini ham eslab o‘tdi. Uning so‘zlariga ko‘ra, o‘sha vaqtda legionerlar umuman bo‘lmagan, biroq futbol yaxshi rivojlangan edi.
Mostovoy doimo “futbolda pasport emas, inson o‘zi o‘ynaydi. Kim kuchliroq bo‘lsa, o‘sha maydonda bo‘lishi kerak.
Futbolchining millati yoki pasporti muhim emas. Nima uchun rossiyalik futbolchilar eng yaxshi bo‘lishi uchun biror to‘sqinlik bor?” deya o‘z fikrini bildirib o‘tdi.
U legionerlar cheklovi ayrim futbolchilarga yordam berishi, boshqalariga esa aksincha ta’sir qilishi mumkinligini ham qayd etdi. Hozirda Rossiya Premyer-ligasi klublari bir mavsum uchun ko‘pi bilan 13 nafar legionerni ro‘yxatdan o‘tkazishi mumkin.
Shu bilan birga, bir vaqtda maydonda 8 nafardan ortiq legioner ishtirok eta olmaydi.
