Angliyalik hujumchi Jeymi Vardi o‘zining ijtimoiy tarmoqdagi sahifasida kelajakdagi faoliyati borasida ishora qildi. Bu haqida Euro-football.ru xabar berdi.
38 yoshli futbolchi o‘z farzandlarining Amerika futbol ligasi MLSda ishtirok etuvchi "Inter Mayami" klubi libosidagi suratini chop etdi. Bu surat Vardining aynan shu klubga o‘tishi mumkinligidan darak beryaptimi yoki u shunchaki Lionel Messi o‘ynayotgan jamoaga mehr bildirganmi – hozircha aniq emas.
Shunga qaramay, Jeymi Vardi faoliyatini yakunlash niyatida emas va MLSda o‘ynashga tayyor ekanini ko‘rsatmoqda. Ma’lumot uchun, o‘tgan mavsum yakuniga ko‘ra Vardi "Lester Siti" klubini tark etdi.
U ushbu jamoada 13 yil davomida o‘ynadi va ko‘plab muhim natijalarga erishdi. "Lester" klubi esa so‘nggi mavsumda yuqori divizionda 19-o‘rinni egallab, Chempionship ligasiga qaytishga majbur bo‘ldi.
Shu tariqa, Vardining kelgusidagi faoliyati futbol muxlislari uchun qiziq bo‘lib qolmoqda va uning qaysi klubda o‘ynashi tez orada ma’lum bo‘ladi.
