Yaqqin kunlarda Parijning PSJ klubi Illya Zabarnyy bilan shartnoma imzolashi kutilmoqda. Bu haqida Euro-football.ru xabar berdi.
Hozirda PSJ va Bornmut klublari futbolchining transferiga oid so‘nggi tafsilotlarni muhokama qilmoqda. Fransiya klubi bosh murabbiyi Luis Enrike ukrainalik futbolchini o‘z jamoasida imkon qadar tezroq ko‘rishni xohlamoqda.
Bu haqda jurnalist Fabris Xokins ma’lumot berdi. Manbaga ko‘ra, PSJ bosh murabbiyi ushbu kelishuv tez orada yakunlanishini intiqlik bilan kutmoqda, chunki u Zabarniyni 13-avgust kuni maydonga tushirishni rejalashtirgan.
Shu kuni Enrike jamoasi Tottenxemga qarshi UYeFA Superkubogi uchun bahs olib boradi. Avval xabar qilinganidek, himoyachining transferi PSJ klubiga 63 million yevroga tushadi.
O‘tgan mavsumda Illya Zabarnyy Bornmut safida barcha musobaqalarda 39 o‘yin o‘tkazgan va bitta golli uzatmaga mualliflik qilgan. Uning jamoasi Angliya Premer-ligasida to‘qqizinchi o‘rinni egalladi.
