Nyuaksl jamoasi hujumchisi Aleksandr Isak hali ham Liverpulga o‘tishi mumkin. Bu haqida Euro-football.ru xabar berdi.
Avvalroq Nyuaksl klubi 25 yoshli futbolchini qizillar safiga deyarli 130 million yevro evaziga sotishga rozilik bermagan va muzokaralar to‘xtatilgan edi. Shunga qaramay, futbolchi o‘z istagidan qaytmadi va Liverpulga o‘tishni xohlayotganini bildirgan.
U Nyuaksl tarkibida o‘ynashni davom ettirish niyatida emas. Hozirda Liverpul klubi Nyuaksl jamoasi yangi hujumchi sotib olishini kutmoqda.
Bu haqda jurnalist Kreyg Xoup xabar berdi. Nyuaksl o‘z tarkibiga Isakka o‘rinbosar futbolchi qo‘shgach, Liverpul yangi va yaxshilangan taklif bilan yana muzokaralarni boshlashi kutilmoqda.
Mutaxassislarning fikriga ko‘ra, Aleksandr Isakning bu transferi Angliya futboli tarixidagi eng qimmat bitimlardan biri bo‘lishi mumkin. Shu sababli, bu voqea futbol muxlislari va mutaxassislar e’tiborini tortmoqda.
Hozircha tomonlar o‘rtasida kelishuvga erishilmagan, biroq kelajakda bu transfer amalga oshishi ehtimoli yuqori.
