Kornilenko: Modrich "Milan"da hali yuqori natija ko‘rsatadi
Sobiq "Krilja Sovetov" hujumchisi Sergey Kornilenko Madridning "Real" jamoasining sobiq yarim himoyachisi Luka Modrichning "Milan"ga o‘tishi haqida o‘z fikrini bildirdi. Bu haqida Euro-football.ru xabar berdi.
Kornilenkoning ta’kidlashicha, "Milan" tajribali futbolchilarni o‘z jamoasida to‘g‘ri ishlata oladi va ular uchun yangi imkoniyatlar yaratadi. Unga ko‘ra, Luka Modrich hali futbolchilik faoliyatida so‘nggi so‘zini aytmagan va undan yana yuqori natijalar kutish mumkin.
Kornilenko bu fikrlarini "Match TV" telekanali efirida bildirib o‘tdi. Ma’lumotlarga ko‘ra, 39 yoshli xorvatiyalik yarim himoyachi Modrich "Milan" klubi tarkibiga erkin agent sifatida qo‘shildi.
U klub bilan kelasi yil iyun oyining oxirigacha mo‘ljallangan qisqa muddatli mehnat shartnomasini imzoladi. Hozirda tajribali futbolchining transfer narxi to‘rt million yevroga baholanmoqda.
"Milan" rahbariyati Modrichning tajribasidan unumli foydalanishga umid qilmoqda. Shu bilan birga, muxlislar ham uning yangi jamoada o‘zini ko‘rsata olishini kutmoqda.
