Oskar Bobb yangi futbolchilar bilan o‘ynashdan mamnun
Manchester Siti jamoasining vingeri Oskar Bobb jamoaga yangi qo‘shilgan futbolchilar bilan birga o‘ynash haqidagi fikrlari bilan o‘rtoqlashdi. Bu haqida Euro-football.ru xabar berdi.
Shanba kuni Xosep Gvardiola boshchiligidagi Manchester Siti jamoasi “Palermo”ga qarshi o‘rtoqlik uchrashuvida yirik hisobda g‘alaba qozondi. Uchrashuv 3:0 hisobida yakunlandi.
Jamoaning yangi futbolchisi, yozgi transfer oynasida “Milan”dan sotib olingan yarim himoyachi Tidjani Reynders ikki bor gol urdi. Shuningdek, joriy transfer oynasida tarkibga qo‘shilgan Jeyms Trafford, Rayan Ait-Nuri va Rayan Sherki ham ushbu o‘yinda ishtirok etdi.
Oskar Bobb o‘z fikrlarida quyidagilarni ta’kidladi: “Ikkala Rayan va Tidjani bilan birga o‘ynash katta zavq. Ularning barchasi yuqori darajadagi futbolchilar.
Ular bilan bir jamoada bo‘lish juda yoqimli. Jeyms Trafford bilan esa akademiya davridan beri tanishmiz.
Biz anchadan beri do‘stmiz. U ajoyib darvozabon bo‘lib yetishdi.” Manchester Siti jamoasi 16 avgust kuni APL 2025/26 mavsumining birinchi turida “Vulverxempton”ga qarshi maydonga tushadi.
