Everton jamoasi Manchester Siti klubi futbolchisi Jek Grilishni o‘z tarkibiga qo‘shib olish umidini saqlab qolmoqda. Bu haqida Euro-football.ru xabar berdi.
Manchester Siti bosh murabbiyati 29 yoshli hujumkor yarim himoyachiga endi ishonch bildirmayapti. Grilish so‘nggi o‘rtoqlik uchrashuvida ham jamoa tarkibiga kiritilmadi.
Everton rahbariyati bu holatni yaxshi tushunadi va ingliz futbolchisini jamoaga olib kelish uchun harakatlarni kuchaytirdi. Bu haqida jurnalist Pol Joys xabar berdi.
Everton klubi Jek Grilishni ijaraga olish niyatida. Uning haftalik maoshi 300 ming funt sterling bo‘lishiga qaramay, klub bu to‘lovning katta qismini to‘lashga tayyor.
Rahbariyat futbolchining yuqori maoshi ularni to‘xtatmaydi, aksincha, Grilishning jamoaga qo‘shilishi uchun barcha imkoniyatlarni ishga solmoqda. Transfermarkt saytida Jek Grilishning taxminiy narxi 28 million yevro etib belgilangan.
Everton klubi futbolchini qisqa muddatga ijaraga olib, jamoaning hujum chizig‘ini kuchaytirishni maqsad qilgan. Muzokaralar davom etmoqda va yakuniy qaror yaqin kunlarda qabul qilinishi kutilmoqda.
