Rossiyalik murabbiy Sergey Tashuev o‘z vaqtida “Axmat” jamoasida ishlagan. Bu haqida Euro-football.ru xabar berdi.
U Grozniy jamoasining “Zenit”ga qarshi o‘yindagi muvaffaqiyatini izohladi. Stanislav Cherchesov boshchiligidagi futbolchilar raqib ustidan 1:0 hisobida g‘alaba qozondi.
Sergey Tashuevning so‘zlariga ko‘ra, bu safar “Axmat”dan ko‘ra ko‘proq “Zenit”ning o‘yinini muhokama qilish mumkin. Unga ko‘ra, “Zenit” so‘nggi bir necha yil ichida eng yomon o‘yinini namoyish etdi.
Tashuevning ta’kidlashicha, u bunday sust va kuchsiz “Zenit”ni anchadan beri ko‘rmagan. Grozniy jamoasi esa o‘z oldiga qo‘yilgan vazifani to‘liq bajardi.
Mutaxassis, shuningdek, Sankt-Peterburg jamoasining hujum chizig‘idagi o‘yinini ham tanqid qildi. Uning fikricha, mavjud futbolchilar tarkibi bilan “Zenit” hujumda ancha yaxshi o‘ynashi kerak edi.
Ma’lum qilinishicha, chempionatning beshinchi turida Sankt-Peterburg klubi safarda “Spartak” jamoasiga qarshi maydonga tushadi. Uchrashuv 16 avgust kuni bo‘lib o‘tadi.
