O‘tgan yillarda mashhur bo‘lgan futbolchi Vladimir Bystrov Moskvaning “Dinamo” jamoasining joriy Rossiya chempionati dastlabki turlaridagi o‘yinlari haqida o‘z fikrini bildirdi. Bu haqida Euro-football.ru xabar berdi.
U jamoa o‘yinidan bunday natija kutmaganini ta’kidladi. Bystrovning aytishicha, jamoaning hozirgi holati umidsiz ko‘rinmoqda.
U ayrim futbolchilarning jarohat olgani sabab qilib ko‘rsatilayotganini, lekin mavjud tarkib bilan ham yaxshi futbol ko‘rsatish mumkinligini aytdi. Mutaxassis fikricha, ehtimol jamoa jismoniy jihatdan to‘liq tayyor emas va hali kuchli yuklamalarni qabul qilishga qiynalayotgandir.
Shunga qaramay, u “Dinamo” hozircha yaxshi natija ko‘rsata olmayotganini ta’kidladi. Bugun, 10-avgust kuni “Dinamo” navbatdagi o‘yinda “Sochi” jamoasiga qarshi maydonga tushdi va uchrashuv 1:1 hisobida durang bilan yakunlandi.
Ushbu natijadan so‘ng Valeriy Karpin boshchiligidagi jamoa Rossiya Premer-ligasida to‘plagan ochkolari soni beshtaga yetdi va hozirda turnir jadvalida to‘qqizinchi o‘rinda bormoqda. Kelgusi turda “Dinamo” jamoasi “CSKA” bilan bellashadi.
Ushbu o‘yin 17-avgust kuni bo‘lib o‘tadi.
