“Pari NN” jamoasi bosh murabbiyi Aleksey Shpilevskiy Rossiya chempionati to‘rtinchi turidagi “Rostov”ga qarshi o‘yinni adolatsiz deb atadi. Bu haqida Euro-football.ru xabar berdi.
Unga ko‘ra, uchrashuv boshida hakamlar qarori jamoaning o‘yiniga salbiy ta’sir ko‘rsatgan. Jumladan, o‘yinning 11-daqiqasidayoq “Pari NN” futbolchilari maydonda son jihatidan kam bo‘lib qoldi.
Murabbiy matbuot anjumanida jurnalistlardan uzr so‘rab, adolatsiz kechgan o‘yinni ko‘p muhokama qilishni istamasligini aytdi. Uning so‘zlariga ko‘ra, bu kabi holatlarda o‘yinni tahlil qilish ma’nosiz bo‘lib qoladi.
Shpilevskiy, shuningdek, bir necha kundan so‘ng “Pari NN” jamoasida Rossiya Kubogida “Rostov”ga qarshi javob o‘yinida g‘alaba qozonish uchun imkoniyat bo‘lishini ta’kidladi. Ma’lumot uchun, mazkur o‘yin “Rostov” foydasiga 1:0 hisobida yakunlandi.
Uchrashuv davomida “Pari NN” darvozasiga penalti belgilandi, biroq E. Golenkov uni aniq amalga oshira olmadi.
Shuningdek, “Pari NN” jamoasi 2025/2026-yilgi mavsumda hali birorta ham ochko to‘plamagan holda turnir jadvalida pastki o‘rinlarda bormoqda.
