Zenitning asosiy muammosi – hujumga o‘tishda sekinlik
Peterburgning Zenit futbol klubi sobiq sport direktori Boris Rapoport jamoaning hozirgi holatidagi asosiy muammoga to‘xtaldi. Bu haqida Euro-football.ru xabar berdi.
Uning so‘zlariga ko‘ra, Zenitning eng katta muammosi – himoyadan hujumga o‘tishda sekinlik kuzatilmoqda. To‘p raqib jarima maydonchasiga yetib borguncha, raqib himoyachilari barcha bo‘sh joylarni yopib ulguradi.
Shu sababli, jamoa hujumda yetarlicha samarali harakat qila olmayapti. Ma’lumot uchun, Zenit Rossiya chempionatining o‘tgan to‘rt turida atigi to‘rt ochko jamg‘arishga muvaffaq bo‘ldi.
Bu natija klub uchun so‘nggi yillarda eng yomon ko‘rsatkich hisoblanadi. Oxirgi marta shunday past natija 2008-yilda, jamoani niderlandiyalik murabbiy Dik Advokat boshqargan paytda qayd etilgan edi.
Shuningdek, o‘tgan hafta oxirida Zenit kutilmaganda Grozniyda Stansilav Cherchesov boshqarayotgan Axmat jamoasiga minimal hisobda mag‘lub bo‘ldi. Bu mag‘lubiyat ham jamoaning hozirgi holatini yaqqol ko‘rsatib bermoqda.
Mutaxassislar fikriga ko‘ra, Zenit natijalarini yaxshilash uchun birinchi navbatda hujumga tezkor o‘tishni yo‘lga qo‘yishi zarur. Aks holda, jamoaning chempionatda yuqori o‘rinlar uchun kurashishi qiyin bo‘ladi.
