Titov: “Spartak” uchun “Zenit”ga qarshi o‘yin hal qiluvchi bo‘ladi
Egor Titov Moskvaning “Spartak” jamoasi bosh murabbiyi Dejan Stankovich va uning murabbiylar shtabi uchun muhim bo‘ladigan uchrashuv haqida fikr bildirdi. Bu haqida Euro-football.ru xabar berdi.
Unga ko‘ra, “Spartak” va “Zenit” o‘rtasidagi o‘yin jamoaning keyingi taqdiri uchun hal qiluvchi ahamiyatga ega. Titovning ta’kidlashicha, agar “Spartak” g‘alaba qozonsa, bu klub uchun ijobiy voqea bo‘ladi.
Ammo boshqa natija qayd etilsa, ochkolar va turnir jadvalidagi holat jihatidan “Spartak” uchun bu juda og‘ir oqibatlarga olib kelishi mumkin. Ma’lumot uchun, “Spartak” Rossiya Premyer-ligasining yangi mavsumida muvaffaqiyatli ishtirok eta olmayapti.
Klub dastlabki to‘rt turda atigi to‘rt ochko to‘plagan. Jamoa ketma-ket uchta uchrashuvda g‘alaba qozona olmadi.
Bundan tashqari, ushbu mavsumda “Spartak” futbolchilari eng ko‘p qizil kartochka olgan jamoa hisoblanadi. “Spartak” va “Zenit” o‘rtasidagi uchrashuv Premier-liganing beshinchi turi doirasida 16-avgust, shanba kuni bo‘lib o‘tadi.
Ushbu o‘yin jamoa uchun muhim sinov bo‘lishi kutilmoqda.
