Peterburgning “Zenit” klubi sobiq prezidenti Leonid Tufrin fikriga ko‘ra, rossiyalik futbolchilarning ushbu klubga o‘tishi ular uchun foydali emas. Bu haqida Euro-football.ru xabar berdi.
Uning ta’kidlashicha, “Zenit” tarkibiga kirgan mahalliy futbolchilar ko‘pincha zaxira o‘rindig‘ida qolib ketadi va natijada o‘z o‘yinini yo‘qotadi. Masalan, Tufrin so‘zlariga ko‘ra, jamoa bosh murabbiyi Semak Glushenkovni asosan zaxirada o‘tirishga majbur qilmoqda.
Shu sababli, “Zenit” safida o‘ynayotgan ko‘plab rossiyalik futbolchilar o‘z mahoratini ko‘rsata olmayapti. Boshqa klublarga o‘tganidan so‘ng esa ular yana o‘z o‘yinini tiklab, yaxshi natija ko‘rsata boshlaydi.
Tufrin bu borada Sergeev, Krugovoy va boshqa futbolchilar misolida bu holatni ko‘rsatib o‘tdi. Ma’lumot uchun, “Zenit” yangi mavsumning boshlanishida omadsiz ishtirok etmoqda.
Rossiya Premer-ligasining dastlabki to‘rt turida jamoa atigi to‘rt ochko jamg‘ardi. Navbatdagi beshinchi turda “Zenit” Mosvaning “Spartak” jamoasiga qarshi o‘ynaydi.
E’tiborga molik jihati, “Spartak” ham yangi mavsumni qiyinchilik bilan boshlagan va hozirda inqirozga uchragan klublar qatorida turibdi. Shu bois, bu uchrashuv har ikki jamoa uchun ham muhim ahamiyat kasb etadi.
