Georgina Rodriges yaqinda mashhur futbolchi Krishtianu Ronaldu bilan unashtirilgani haqida e’lon qildi. Bu haqida Euro-football.ru xabar berdi.
Krishtianu Ronaldu o‘z suyuklisiga turmush qurishni taklif qildi va Georgina bu taklifga rozilik berdi. Georgina Rodriges ijtimoiy tarmoqlarda uzukdagi katta olmos bilan suratini ham namoyish etdi.
Amerikalik Brides jurnali ushbu uzuk narxini aniqlash maqsadida zargarlik sohasidagi mutaxassis Benjamin Kordipurga murojaat qildi. Mutaxassisning so‘zlariga ko‘ra, bu uzukda 22 karatli, H rangdagi va VS1 tozalikka ega oval shakldagi olmos ishlatilgan.
Uzuk platina metaldan tayyorlangan bo‘lib, unda har biri ikki karatli yana ikki dona oval tosh mavjud. Ekspert bu uzukning bahosi taxminan 1 million 200 ming dollar ekanini ta’kidladi.
Eslatib o‘tamiz, Krishtianu Ronaldu 2023 yildan beri “Al-Nasr” futbol jamoasida o‘ynab kelmoqda.
