Al-Ittihod Talal Hadji transferi bo‘yicha taklifni rad etdi
Saudiya Arabistonining “Al-Ittihod” futbol klubi Ispaniyaning “Selta” jamoasi tomonidan hujumchi Talal Hadjini sotib olish bo‘yicha bildirilgan taklifni rad etdi. Bu haqida Euro-football.ru xabar berdi.
Bu haqda mahalliy “Al-Riyadiya” nashri xabar berdi. “Selta” 17 yoshli futbolchini bepul qo‘lga kiritmoqchi bo‘ldi.
Biroq, “Al-Ittihod” rahbariyati bu taklifni jamoa manfaatlariga zid deb hisobladi. Shuningdek, klub vakillari Talal Hadjining o‘yin amaliyotiga ega bo‘lishi uchun boshqa variantlarni ko‘rib chiqishga tayyor ekanliklarini ma’lum qilishdi.
Talal Hadji “Al-Ittihod” klubi tarbiyalanuvchisi sanaladi. U bir yil avval o‘z mamlakatining asosiy terma jamoasida debyut qilgan va “sokol”lar safida eng yosh debyutantlar ro‘yxatida ikkinchi o‘ringa ega bo‘lgan.
O‘tgan mavsumning bir qismini “Er-Riyad” klubida ijarada o‘tkazdi va 10 ta o‘yinda 1 ta gol urishga erishdi. Transfermarkt portali futbolchining qiymatini 700 ming yevro miqdorida baholamoqda.
