Stankovich “Zenit”ga qarshi o‘yindan so‘ng isteʼfoga chiqishi mumkin
Sobiq “Zenit” hujumchisi Aleksey Gasilin Moskvaning “Spartak” jamoasi bosh murabbiyi Dejan Stankovichning isteʼfoga chiqarilishini bashorat qildi. Bu haqida Euro-football.ru xabar berdi.
Unga ko‘ra, bu voqea Rossiya chempionati beshinchi turidan keyin, yaʼni “Zenit” bilan bo‘ladigan uchrashuvdan so‘ng sodir bo‘lishi mumkin. Hozirda “Spartak” to‘rt tur davomida atigi bir marta g‘alaba qozongan va jami to‘rt ochko jamg‘argan.
Gasilinning fikricha, Stankovich uchun “Zenit”ga qarshi o‘yin hal qiluvchi ahamiyatga ega bo‘ladi. Agar “Spartak” ushbu uchrashuvda g‘alaba qozona olmasa, Stankovich jamoani tark etishi ehtimoli katta.
Ekspertning taʼkidlashicha, Stankovichning o‘z lavozimida qolishi uchun faqat g‘alaba zarur. Gasilin shuningdek, “Zenit”ning g‘alabasi “Spartak” uchun ham foydali bo‘lishi mumkinligini aytdi.
Chunki u “Spartak” jamoasiga serbiyalik mutaxassisdan voz kechish va yangi murabbiy bilan ishlash vaqti kelganini taʼkidladi. Avvalroq “Spartak” rahbariyati Stankovichga vaziyatni yaxshilash uchun uchdan besh tagacha o‘yin imkoniyati bergan edi.
Shu o‘yinlarning ikkitasi allaqachon muvaffaqiyatsiz yakunlangan. “Spartak” va “Zenit” o‘rtasidagi uchrashuv 16-avgust kuni “Spartak”ning uy stadionida bo‘lib o‘tadi.
Mazkur o‘yin Rossiya chempionati beshinchi turi doirasida o‘tkaziladi.
