PSJ bosh murabbiyi Luis Enrike jamoa oldidagi vazifalar haqida o‘z fikrini bildirdi. Bu haqida Euro-football.ru xabar berdi.
Uning aytishicha, Parij klubi 2025-2026 yilgi mavsumda barcha sovrinlar uchun kurash olib borishga qat’iy bel bog‘lagan. Murabbiy so‘zlariga ko‘ra, jamoa har bir sovrinni qo‘lga kiritishga tayyor bo‘lishni istaydi.
U barcha futbolchilar va murabbiylar shtabi PSJ barcha musobaqalarda g‘alaba qozonishiga ishonishini ta’kidladi. Enrike bu natija jamoaning tarixda o‘z o‘rnini mustahkamlashiga xizmat qilishini aytdi.
Shuningdek, u o‘tgan yilgi muvaffaqiyatlarni takrorlash jamoaga alohida ruh va motivatsiya berishini qayd etdi. Ma’lumot uchun, o‘tgan mavsumda PSJ Fransiya chempionati, Fransiya kubogi, Fransiya superkubogi hamda Chempionlar ligasida g‘olib chiqqan edi.
Jamoa barcha asosiy turnirlarda eng yaxshi natijalarga erishdi va muxlislar ishonchini oqladi. Shu haftada PSJ UEFA Superkubogi uchun bahsda maydonga tushadi.
Parij klubi ushbu sovrinni ham qo‘lga kiritish imkoniyatiga ega. Uchrashuvda PSJ Angliyaning Tottenhem jamoasiga qarshi o‘ynaydi.
Mazkur o‘yinning matnli translyatsiyasini kuzatib boring.
