Taniqli sport sharhlovchisi Dmitriy Guberniyevning fikricha, Spartak jamoasiga yangi bosh murabbiy kerak. Bu haqida Euro-football.ru xabar berdi.
Hozirda ushbu jamoani serbiyalik Dejan Stankovich boshqarib kelmoqda. Yaqinda Spartak o‘z maydonida Rossiya Kubogi doirasida Mahachqalalik Dinamoga penaltilar seriyasida mag‘lub bo‘ldi.
O‘yinda asosiy vaqt 1:1 hisobida yakunlangan. Hozirda Spartak Rossiya Premyer-ligasi turnir jadvalida faqat 11-o‘rinda bormoqda.
Guberniyevning ta’kidlashicha, Spartakda murabbiylik vazifasini Andrey Talalayev yoki Igor Shalimov ham bajara oladi. U Stankovichni imkon qadar tezroq almashtirish kerakligini bildirgan.
Uning so‘zlariga ko‘ra, Talalayev hozir Baltika jamoasida ishlamoqda va Spartakka qaytishi ehtimoli kam. Agar bu amalga oshmasa, Guberniyevning fikricha, Igor Shalimov ham Spartakni boshqarishga qodir.
Biroq u yana boshqa kutilmagan nomzod taklif qilinishi mumkinligini ham aytib o‘tgan. Hozirda Andrey Talalayev boshchiligidagi Baltika jamoasi Premyer-ligada beshinchi o‘rinda bormoqda.
Igor Shalimov esa Fakel jamoasini boshqaradi. Bu klub Rossiya futbolining ikkinchi divizionida ishtirok etmoqda.
