PSJ klubi yarim himoyachisi Uorren Zair-Emeri o‘zining kelajagi borasida qaror qabul qildi. Bu haqida Euro-football.ru xabar berdi.
Fransiyaning mashhur L’Equipe nashri xabariga ko‘ra, 19 yoshli futbolchi jamoani tark etish variantini ko‘rib chiqmayapti. U asosiy tarkibdagi o‘rnini yo‘qotganiga qaramay, klubda qolishni ma’qul ko‘rmoqda.
Zair-Emeri o‘z ustida ishlashda davom etib, tez orada yaxshi sport formasiga kirishiga ishonmoqda va asosiy tarkibdagi raqobatbardosh yarim himoyachilar bilan bellasha olishiga umid qilmoqda. Uorren Zair-Emeri PSJ asosiy jamoasi safida hozirgacha 129 ta rasmiy o‘yinda maydonga tushgan.
Ushbu uchrashuvlarda u sakkizta gol urgan va to‘qqizta golli uzatma amalga oshirgan. Transfermarkt portali mutaxassislarining baholashicha, yosh futbolchining transfer qiymati 55 million yevroga teng.
Shu sababli, Zair-Emeri kelgusida ham PSJ safida o‘z o‘rnini mustahkamlash uchun harakat qilishda davom etadi.
