PSJ Safonovni sotmoqchi: sabab va muammolar izohi

Fransiyaning L’Equipe nashri bosh muharriri o‘rinbosari Jan-Filip Leklerning aytishicha, Parijning “PSJ” klubi rossiyalik darvozabon Matvey Safonovdan voz kechishni istamoqda. Bu haqida Euro-football.ru xabar berdi.

Uning so‘zlariga ko‘ra, bu masalada siyosiy va sportga oid omillar mavjud. Birinchi navbatda, jamoa yaqinda ukrainalik himoyachi Ilya Zabarnyini sotib oldi.

Bosh murabbiy Luis Enrike ushbu futbolchiga katta umid bog‘lamoqda va unga qulay sharoit yaratish niyatida. Shu sababli, klub tarkibida ukrainalik futbolchining o‘zini erkin his qilishi uchun zarur choralar ko‘rilmoqda.

Shuningdek, Leklerning ta’kidlashicha, Safonov o‘tgan mavsumda yaxshi o‘yin ko‘rsatgan bo‘lsa-da, u “PSJ” uchun asosiy futbolchi hisoblanmaydi. Klub uni sotishni istaydi, biroq Safonovning o‘zi jamoani tark etishga rozi emas.

Bundan tashqari, yana bir muammo shundaki, “PSJ” Safonovni “Krasnodar”dan juda katta mablag‘ evaziga sotib olgan. Hozirgi vaqtda bu narx potentsial xaridorlar uchun yuqorilik qiladi va futbolchining boshqa klubga o‘tishini qiyinlashtirmoqda.

Shu sababli, klub va futbolchi kelajagi borasida hali aniq qaror qabul qilinmagan.