Manchester City jamoasining bosh murabbiyi Xosep Gvardiola yarim himoyachi Rodrining sog‘lig‘i haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, Rodrining tizzasi yaxshi holatda va u tez orada maydonga qaytadi. Endi unga mashg‘ulotlarga ko‘proq eʼtibor qaratish va imkon qadar o‘yinlarda ham ishtirok etish tavsiya etilmoqda.
Gvardiola, futbolchining yana jarohat olmasligi uchun ehtiyotkorlik bilan harakat qilish zarurligini taʼkidladi. Murabbiyning aytishicha, Rodrining mashg‘ulotlari yaxshi kechmoqda va u jamoaning birinchi o‘yinida ishtirok etishi kutilmoqda.
O‘sha o‘yinda uning maydonda qancha vaqt qolishi haqida keyinroq qaror qabul qilinadi. Eslatib o‘tamiz, o‘tgan yili Rodri «Oltin to‘p» sovrinini qo‘lga kiritgan edi.
Premier-liganing birinchi turida Manchester City jamoasi safarda Wolverhampton jamoasiga qarshi maydonga tushadi.
