Liverpool hujumchisi Ugo Ekitikening Angliya Premer Ligasi birinchi o‘yinidan so‘ng bergan fikrlari e’lon qilindi. Bu haqida Euro-football.ru xabar berdi.
Fransiyalik futbolchi birinchi tur doirasidagi Bournemouthga qarshi o‘yinning 37-daqiqasida gol urdi. Ikkinchi bo‘lim boshida esa Kodi Gakpoga assistentlik qildi.
Shu tariqa u Liverpool tarixida Premer Ligadagi debyut o‘yinida gol urib, samarali uzatma qilgan ikkinchi futbolchi bo‘ldi. O‘yinda Arne Slot jamoasi 4:2 hisobida g‘alaba qozondi.
Ekitikening aytishicha, o‘yini yaxshi bo‘lgan, ammo yanada yaxshi o‘ynashi mumkin edi. Eng muhimi, jamoa ruhini namoyon qilib, g‘alaba qozongan.
Ular bugungi o‘yinda muxlislarining qo‘llab-quvvatlashini his qilib, shuningdek, Diogu uchun ham g‘alaba qozonishga intilganlar. Natijaga erishganliklaridan xursand ekanligini ta’kidladi.
Ugo Ekitikening “Liverpool”ga o‘tishi iyul oyida “Ayntraxt” klubidan amalga oshdi. Transfer narxi 95 million yevroni tashkil etdi.
