Ekitike: Premer-liga Bundesligadan qiyinroq ekan
Liverpool hujumchisi Ugo Ekitike Angliyada o‘ynash Germaniyadagi futbolga qaraganda qiyinroq ekanini tan oldi. Bu haqida Euro-football.ru xabar berdi.
Fransuz futbolchi Premer-ligada debyut qilganida "Bornmut"ga qarshi o‘yinda gol urib, samarali uzatma amalga oshirdi. Uchrashuv 4:2 hisobida Liverpool jamoasining g‘alabasi bilan yakunlandi.
G‘alaba golini 88-daqiqada Federiko Kyieza kiritdi. Ekitike o‘yin uslubini o‘zgartirishga majbur bo‘lganini aytdi, chunki Angliyadagi futbol yanada intensiv va himoyachilar kuchliroq.
Premer-ligada himoyachilar ko‘proq e’tibor bilan o‘ynaydi va maydonda ozroq bo‘sh joy qoldiradi. Unga ko‘ra, jamoa hali ayrim jihatlarda yaxshilanishi kerak va rivojlanish uchun imkoniyatlar mavjud.
23 yoshli hujumchi Angliyaga kelishidan oldin Frankfurtning Ayntracht klubida to‘p surgan. Uning transferi Liverpool uchun 95 million yevroga tushdi.
Ekitikening fikricha, yangi jamoada o‘zini yanada ko‘rsatish uchun ko‘p mehnat qilish lozim.
