Ronaldu 2027 yilda "Al-Nasr"ni tark etishi mumkin
Portugaliyalik futbolchi Krishtianu Ronaldu 2027 yil yozida amaldagi shartnomasi tugagach, Saudiya Arabistonining "Al-Nasr" klubini tark etishni rejalashtirmoqda. Bu haqda Zamin.uz xabar berdi.
Bu haqda euro-football.ru sayti xabar berdi. Jurnalist Ben Jeykobsning ta’kidlashicha, Saudiya Arabistoni hukumati va "Al-Nasr" klubi Ronaldu mamlakatda qolishi uchun turli rejalar ishlab chiqmoqda.
Xususan, futbolchiga klub egasi sifatida yangi rol taklif qilinishi mumkin. Shuningdek, "Al-Nasr"dagi hozirgi ulushini 15 foizgacha oshirish orqali Krishtianuni Saudiya futbolida uzoqroq ushlab qolish imkoniyatlari o‘rganilmoqda.
Liga rahbariyati Ronaldu ketgan taqdirda Saudiya futboliga bo‘lgan xalqaro qiziqish pasayib ketmasligi uchun boshqa ssenariylarni ham ko‘rib chiqmoqda. Ma’lumotlarga ko‘ra, Ronaldu 2023 yilda "Al-Nasr" safiga erkin agent sifatida kelib qo‘shilgan.
Joriy mavsumda u 20 ta o‘yinda maydonga tushib, 17 ta gol urdi va 3 ta golli uzatma amalga oshirdi. Shu sababli, Saudiya futboli uchun uning o‘rni juda muhim hisoblanadi.
