Ramazon Temirov vs Asu Almabayev: Super yengil vaznda Markaziy Osiyo derbisi bo‘ladimi?
Oqshom quvonchiga aylangan UFC Fight Night 253 turnirida yurtimiz sharafini himoya qilgan Ramazon Temirov o‘zining jozibali va texnik jihatdan yetuk chiqishlari bilan muxlislarni hayratda qoldirishda davom etmoqda. Bu gal u amerikalik tajribali jangchi Charlz Jonsonni mag‘lub etib, super yengil vazn toifasidagi jahon reytingining 13-pog‘onasiga ko‘tarildi.
Endi esa jang muhitida yangi shov-shuvlar tarqaldi. Rasmiy tasdiq bo‘lmasa-da, ishonchli manbalarga ko‘ra, Temirov navbatdagi jangini qozog‘istonlik kuchli raqib — Asu Almabayevga qarshi o‘tkazishi mumkin. Bu to‘qnashuv 26 iyul kuni Birlashgan Arab Amirliklaridagi navbatdagi "UFC Fight Night" tadbirida bo‘lib o‘tishi kutilmoqda.
Asu Almabayev UFC dagi faoliyatida o‘zini jiddiy raqib sifatida ko‘rsatgan va hozirda vazn toifasida 8-o‘rinda turibdi. Agar ushbu jang amalga oshsa, bu nafaqat sport nuqtayi nazaridan, balki mintaqaviy nufuz jihatidan ham o‘ta qiziqarli va tarixiy voqea bo‘ladi.
Temirovning MMAdagi natijalari esa diqqatga sazovor: 19 g‘alaba va bor-yo‘g‘i 3 mag‘lubiyat. Uning partadagi harakatlari, tezkorligi va strategik tafakkuri uni jahon miqyosidagi raqiblarga munosib deb ko‘rsatmoqda.
Bu jang amalga oshsa, Markaziy Osiyo ikki giganti — O‘zbekiston va Qozog‘iston sportchilari o‘rtasidagi o‘ziga xos derbiga aylanishi tayin. Ikki millatning ham yuragi UFC oktagonidagi bu muhtasham to‘qnashuv uchun ura boshladi.
Ramazon Temirovning rivoji va uning ehtimoliy raqiblariga qarshi jangi haqida yanada aniq ma’lumotlar kelgusi haftarda rasmiy manbalar tomonidan e’lon qilinadi, deb kutilmoqda.
Hali rasmiy tasdiq berilmagan bo‘lsa-da, bu ikki mahoratli jangchining oktagondagi yuzma-yuz qaramasi UFC tarixidagi eng kuchli to‘qnashuvlardan biriga aylanishi mumkin. Intizorlik bilan kutamiz!
