Daniyalik yarimhimoyachi Kristian Eriksen "Manchester Yunayted" klubiga xayr deb aytdi. Bu haqida Euro-football.ru xabar berdi.
U ushbu klubda uch mavsum davomida o‘ynagach, jamoani tark etdi. Eriksen muxlislarga minnatdorchilik bildirdi va bu davr uning faoliyatidagi eng esda qolarli lahzalardan biri bo‘lganini ta’kidladi.
Klub matbuot xizmati uning so‘zlarini shunday keltiradi: "Umid qilamizki, oldinda yorug‘ kunlar kutmoqda, murabbiyimiz aytganidek. Bunday ajoyib muxlislar bilan klubning kelajagi juda porloq." Eriksen 2022 yildan boshlab "Manchester Yunayted" safida maydonga tushdi.
Shu vaqt davomida u 107 o‘yinda ishtirok etdi, sakkizta gol urdi va 19 ta golli uzatma berdi. 2021 yilda esa butun futbol jamoatchiligi uning sog‘lig‘i uchun duoda bo‘ldi, chunki u Yevro-2020 turnirining Finlandiya bilan o‘yinida maydonda yurak xurujiga uchragan edi.
Bu voqea dunyo sporti tarixida unutilmas lahzalardan biri sifatida qolmoqda. Kristian Eriksen o‘zining kuchli iroda va jasorat bilan to‘liq tiklanganidan keyin yana faoliyatini davom ettirdi.
Uning futbolga bo‘lgan sevgisi va mehnati ko‘plab yosh futbolchilarga namuna bo‘lib xizmat qilmoqda.
