Aleksandr Belenov «Ufa» jamoasiga qaytadi

Sobiq «Fakel» va «Spartak» jamoalari darvozaboni Aleksandr Belenov faoliyatini «Ufa» klubida davom ettiradi. Bu haqida Euro-football.ru xabar berdi.

Bu haqda Bashqirdiston jamoasining bosh murabbiyi Omari Tetradze ma’lum qildi. Tetradze so‘zlariga ko‘ra, tomonlar o‘rtasida shartnoma imzolash bo‘yicha kelishuv mavjud. Qayd etilishicha, yaqin kunlarda mehnat shartnomasi rasmiylashtirilishi kutilmoqda. Belenov ilgari ham 2017 yildan 2022 yilgacha «Ufa» jamoasida o‘ynagan.

Shu davrda u jami 165 o‘yinda maydonga tushib, 54 marta darvozasini ochiq qoldirmagan. O‘tgan mavsumda 38 yoshli darvozabon Voronejning «Fakel» klubida o‘ynadi. Rossiya chempionatida u 12 ta o‘yinda maydonga tushib, uch marta «so‘nggi chiziq»ni buzmagan.

Endilikda Belenov o‘z faoliyatini qayta «Ufa» jamoasida davom ettirishga tayyorlanmoqda.