Real 19 yoshli gollandiyalik futbolchini sotib olmoqchi
AZ Alkmaar jamoasining markaziy yarim himoyachisi Kes Smit Madridning Real klubiga o‘tishi mumkin. Bu haqida Euro-football.ru xabar berdi.
Bu haqda Diario AS nashri ma’lumot berdi. Manbalar ta’kidlaganidek, Real klubi 19 yoshli futbolchini xarid qilishga katta qiziqish bildirmoqda.
Shu bilan birga, Smitning o‘zi ham Realda o‘ynashni orzu qiladi. Yaqinda futbolchi ko‘chalardan birida Real klubining futbolkasi kiyib, suratga tushgani ham bu gaplarni tasdiqlaydi. 2024/25 mavsumida Smit barcha musobaqalarni hisobga olganda 43 ta o‘yinda maydonga tushib, 10 ta gol urdi va 7 ta samarali uzatma amalga oshirdi.
Hozirgi vaqtda futbolchining joriy klubi bilan imzolangan shartnomasi 2028 yilga qadar amal qiladi. Transfermarkt ma’lumotlariga ko‘ra, uning bozor qiymati 5 million yevroni tashkil etadi.
Kes Smitning Real klubiga o‘tishi futbol jamoasi uchun muhim qo‘shimcha bo‘lishi kutilmoqda.
