Yarim himoyachi Pol Pogba “Monako” bilan ikki yillik shartnoma imzoladi va yana maydonga qaytishga tayyorlanmoqda. Bu haqida Euro-football.ru xabar berdi.
Biroq muxlislar Pogbani yana o‘yinda ko‘rish uchun biroz kutishlari kerak bo‘ladi. Bu haqda “Monako” klubi bosh direktori Tyago Skuro ma’lum qildi.
Skuroning so‘zlariga ko‘ra, Pogba “Gavr”ga qarshi birinchi tur o‘yinida maydonga tushmaydi. U real bo‘lish kerakligini ta’kidladi.
Klub uch oy ichida futbolchining holatida yaxshilanish kutmoqda. Yuqori darajadagi sport ko‘p jihatdan ilm-fanga asoslanadi va bu jarayon oddiy emas.
“Monako” Lig 1dagi eng faol jamoalardan biri bo‘lib, ularning o‘yini futbolchilardan yaxshi jismoniy tayyorgarlikni talab qiladi. Shuningdek, Skuro Pogbani oktyabr oyi boshigacha maydonga tushishini kutish qiyinligini bildirdi.
32 yoshli futbolchi yaqinda mashg‘ulotlarda yuklamani asta-sekin oshirish jarayonidan o‘tadi. Mart oyida Pogbaning antidoping qoidalarini buzgani uchun berilgan taqiq muddati tugagan.
Pol Pogba so‘nggi marta rasmiy o‘yinda 2023 yil 3 sentyabrda maydonga tushgan.
