Vengeriyalik yarim himoyachi “Liverpul” jamoasidan Dominik Soboslay o‘z jamoadoshi Diogu Jotaning vafoti haqida fikr bildirdi. Bu haqida Euro-football.ru xabar berdi.
U ijtimoiy tarmoqlardagi yozuvida hozirgi paytda qanchalik chuqur qayg‘uda ekanliklarini so‘z bilan ifodalab bo‘lmasligini ta’kidladi. Soboslay Jotani juda sog‘inishlarini, u doimo ularning yuragida qolishini aytdi.
Shuningdek, uning yaqinlari uchun duo qilayotganlarini bildirgan. “Oka, tinch yoting”, deya so‘zlarini yakunlagan.
Diogu Jota 28 yoshda bo‘lib, 3 iyul kuni avtokhalokatda halok bo‘ldi. U 2020 yildan buyon “Liverpul” jamoasida o‘ynab kelayotgandi.
Portugaliyalik hujumchi klub bilan Angliya chempioni bo‘lgan, shuningdek mamlakat kubogi va liga kubogini qo‘lga kiritgan. Jotaning o‘limi futbol olamida katta qayg‘u uyg‘otdi.
Uning jamoasiga va yaqinlariga sabr tilaymiz.
